Polşada gənc ralli sürücüsü sınaq yürüşləri zamanı faciəvi şəkildə öldü

21 yaşlı italiyalı yarış avtomobili sürücüsü Matteo Doretto Polşada keçirilən Avropa Ralli Çempionatının mərhələsindən öncə sınaq yürüşü zamanı qəzada dünyasını dəyişib.

Avtosfer.az-ın turnirin mətbuat xidmətinə istinadən verdiyi məlumata görə, qəza yarışa hazırlıq zamanı baş verib.

İdmançının köməkçi sürücüsü Samuele Pelleqrino xəsarət almayıb və müayinə üçün xəstəxanaya aparılıb.

Doretto avtomobil idmanında yüksələn ulduz hesab olunurdu. 2024-cü ildə o, yeniyetmələr arasında İtaliya çempionu titulunu qazanıb və bu, ona Avropa çempionatında iştirak etmək hüququ verib.