Qayıq batdı - 11 nəfər itkin düşdü

İndoneziyanın Qərbi Sumatra əyalətindəki Mentavay adaları yaxınlığında qayığın batması nəticəsində 11 nəfər itkin düşüb, 7 nəfər isə xilas edilib.

Avtosfer.az xəbər verir ki, bu barədə yerli xilasetmə agentliyi məlumat yayıb. Bildirilib ki, qəzanın başvermə səbəbi hava şəraitinin pis olmasıdır.

Hazırda axtarış-xilasetmə əməliyyatı davam edir.

İndoneziya Meteorologiya, Klimatologiya və Geofizika Agentliyi ekstremal hava şəraiti ilə bağlı əhaliyə xəbərdarlıq edib.