Qonaq gedən sərxoş qadın həyətə düşüb maşınları cızıq-cızıq etdi - VİDEO

Sərxoş qadın 4 avtomobilə zərər vurub. Avtosfer.az xəbər verir ki, Rusiyanın Tver şəhərinə qonaq gələn 39 yaşlı moskvalı qadın spirtli içki qəbul etdikdən sonra gecə saatlarında naməlum səbəbdən həyətə düşüb. O, əlindəki metal açarla park edilmiş avtomobillərin yanından keçərək onlara ciddi ziyan vurub. Zərər çəkmiş avtomobillərin sahibləri dərhal polisə müraciət ediblər. Onların sözlərinə görə, hər bir avtomobilə dəymiş ziyanın məbləği 35 min ilə 69 min rubl arasında dəyişir. Ümumi maddi ziyan isə 185 min rubldan çoxdur. Həyətdəki təhlükəsizlik kameralarının görüntüləri sayəsində polislər hadisəni törədənin şəxsiyyətini qısa müddətdə müəyyən edə biliblər. Saxlanılan qadın törətdiyi əməli etiraf edib. Hazırda müstəntiqlər qadının avtomobillərə qarşı bu aqressiyasının səbəbini araşdırırlar.

Sözügedən hadisənin anbaan videosunu təqdim edirik:

Namiq Musayev