Qonşusunun dəmir parçası ilə döydüyü qadın ÖLDÜ

Sumqayıtda qonşusunun dəmir parçası ilə döydüyü qadın xəstəxanada ölüb.

Bu barədə  Avtosfer.az-a Sumqayıt Tibb Mərkəzindən məlumat verilib. 

Bildirilib ki, 1958-ci il təvəllüdlü (qadın cinsli) şəxs yanvarın 5-i saat 21:30 radələrində Sumqayıt Tibb Mərkəzinin tabeliyində olan Təcili Tibbi Yardım Xəstəxanasına hospitalizasiya olunub.

Qapalı kəllə-beyin travması diaqnozu ilə Reanimasiya şöbəsinə yerləşdirilən şəxsin vəziyyəti ağır olub. Həkimlərin səylərinə baxmayaraq, bu gün saat 08:00 radələrində onun ölüm faktı qeydə alınıb.

Xatırladaq ki, hadisə yanvarın 5-də Xəzər bağları yaşayış massivində qeydə alınıb. 1983-cü il təvəllüdlü Mikayıl Nurəddin oğlu Şərifov münaqişə zəminində qonşusu, 1958-ci il təvəllüdlü Mehparə İmanqulu qızı Ələkbərovaya dəmir parçası ilə xəsarət yetirib.