Rusiyada generalı maşında partladıb öldürdülər - FOTO - VİDEO - YENİLƏNİB

Balaşixada avtomobil partlayışında həlak olan şəxs Rusiya Silahlı Qüvvələri Baş Qərargahının Əsas Əməliyyat İdarəsinin rəis müavini general-leytenant Yaroslav Moskalik olub.

Avtosfer.az xəbər verir ki, bu barədə TASS-a Rusiya İstintaq Komitəsinin rəsmi nümayəndəsi Svetlana Petrenko bildirib.

"Mövcud məlumatlara görə, partlayış zədələyici elementlərlə doldurulmuş özəl hazırlanmış partlayıcı qurğunun işə düşməsi nəticəsində baş verib", - deyə o bildirib.

***14:11

Rusiyanın Moskva vilayətinin Balaşixa şəhərində baş vermiş avtomobil partlayışı nəticəsində bir hərbi qulluqçu həlak olub.

Avtosfer.az bu barədə "BAZA" "Telegram" kanalına istinadla xəbər verir.

Məlumata görə, həlak olan şəxs Rusiya Müdafiə Nazirliyinin 59 yaşlı generalı Yaroslav Moskalikdir. O, Rusiya Silahlı Qüvvələri Baş Qərargahının Əsas Əməliyyat İdarəsi rəisinin müavini vəzifəsində çalışıb.

Hadisə generalın park edilmiş "Volkswagen Golf" markalı avtomobilin yanından keçdiyi anda baş verib. Maşına quraşdırılmış bomba partlayaraq, onu bir neçə metr məsafəyə atıb.

Qeyd edək ki, general Moskalik 2021-ci ildə Əsas Əməliyyat İdarəsi rəisinin müavini təyin olunmuşdu.