Şabranda seldə həyatını itirən neftçilərin sayı 3-ə çatdı - FOTO

Şabrançayda daha bir nəfərin meyiti tapılıb.

Avtosfer.az-ın məlumatına görə, “Siyəzənneft”in əməkdaşı, Siyəzən rayon sakini, 63 yaşlı Füzuli Mövlud oğlu Paşayevin meyiti tapılıb.

Onun cəsədini dalğıclar Şabran rayonu Dağbilici kəndi yaxınlığında tapıblar.

Qeyd edək ki,onunla birlikdə seldə boğularaq həyatını itirən Məmmədov Nurməmməd Qəhrəman oğlu və Nağıyev Etibar Hafiz oğlu da “Siyəzənneft” Neft-Qaz Çıxarma İdarəsinin əməkdaşı imişlər.

**

Şabranda eyniadlı çayın kənarında mehiti tapılan 63 yaşlı neftçi ilə bağlı bəzi təfərrüatlar məlum olub.
Avtosfer.az-ın “Bizim.Media”ya istinadən məlumatına görə, Siyəzən neft və qazçıxarma idarəsinin işçisi olan Füzuli Paşayevin ötən gün istirahət günü imiş.
O, yaşadığı kənddə tərəvəz sahəsində işləyərkən güclü selə məruz qalıb və həyatını itirib.
Mərhumun ailə üzvləri onun evə gəlmədiyini görüb Şabran polis şöbəsinə müraciət ediblər. Qızının müraciəti əsasında Şabran polisinin Şabrançayın Düzbilici kəndi ərazisində keçirdiyi tədbirlər nəticəsində Füzuli Paşayevin meyiti tapılaraq ailəsinə təhvil verilib.