Şamaxıda qadın güllələndi - Əri saxlanıldı - YENİLƏNİB

Şamaxıda həyat yoldaşını güllələyib qətlə yetirməkdə şübhəli bilinən şəxs müharibə iştirakçısı olub.

Avtosfer.az oxu.az-a istinadən xəbər verir ki, P.Tağıyev 2020-ci ildə 44 günlük Vətən müharibəsində iştirak edib.

O, altı ay əvvəl ailə həyatı qurubmuş.

***10:18

Şamaxı rayonunda qadın həyat yoldaşı tərəfindən odlu silahla qətlə yetirilib.

DİN-in Mətbuat xidmətinin regional qrupundan Avtosfer.az-a bildirilib ki, rayon sakini, əvvəllər polis şöbəsində polis nəfəri kimi xidmət etmiş, lakin bir müddət öncə öz arzusu ilə xidmətdən xaric olunmuş P.Tağıyev qısqanclıq zəminində odlu silahdan açdığı atəşlə G.Eynalovaya xəsarət yetirib. Qadın aldığı xəsarətlərdən hadisə yerində ölüb.

P.Tağıyev polis əməkdaşları tərəfindən saxlanılıb.

Faktla bağlı Şamaxı Rayon Prokurorluğunda cinayət işi başlanılıb, istintaq hərəkətləri davam etdirilir.