Şəhərin mərkəzində ağac iki “Chevrolet”in üstünə aşdı - VİDEO

Bu dəqiqələrdə paytaxtın mərkəzi küçələrindən biri olan 28 May küçəsində təhlükə yaranıb. Belə ki, iri gövdəli ağac kökündən qopub hərəkətdə olan avtomobillərin üzərinə aşıb.

Avtosfer.az xəbər verir ki, hadisə barədə ilkin məlumatı jurnalist Aqil Camal sosial şəbəkədə paylaşıb. Şahidlərin verdiyi məlumata görə, ağac 77-KQ-790 nömrəli "Chevrolet" markalı və 77-YZ-731 dövlət qeydiyyat nişanlı "Chevrolet Cobalt” markalı avtomobillərin üzərinə aşıb.

Nəticədə avtomobillərə ciddi ziyan dəyib, ərazidə nəqliyyatın hərəkətində ləngimə yaranıb və sıxlıq müşahidə olunur.

Hazırda hadisə yerinə aidiyyəti qurumlar cəlb olunub, araşdırmalara başlanılıb. Hadisə zamanı xəsarət alanların olub-olmaması barədə hələlik rəsmi məlumat verilməyib.

Eltac Zülfüqaroğlu