Şəkidə 11 yaşlı uşaq ürək çatışmazlığından öldü - YENİLƏNİB

Şəkidə ölən 11 yaşlı uşaq kəskin ürək çatışmazlığı və assit (qarın boşluğunda mayenin yığılması) diaqnozu ilə xəstəxanaya yerləşdirilibmiş.

Bu barədə oxu.az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.

"Avqustun 22-si saat 09:10-da bir nəfər (kişi cinsli) Şəki Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

2014-cü il təvəllüdlü şəxsə kəskin ürək çatışmazlığı və assit (qarın boşluğunda mayenin yığılması) diaqnozu təyin olunub.

Göstərilən zəruri tibbi yardımlara və həkimlərin çoxsaylı müdaxilələrinə baxmayaraq, saat 10:20 radələrində ölüm faktı qeydə alınıb", - deyə məlumatda qeyd olunub.

***11:11
Şəkidə 11 yaşlı uşaq xəstəxanada ölüb.

Avtosfer.az xəbər verir ki, rayonun Cumakənd sakini, 2014-cü il təvəllüdlü Rüzgar Ağabalayev halı pisləşdiyi üçün Şəki rayon xəstəxanasına yerləşdirilib və orada ürək çatışmazlığından ölüb.(unikal)