Sərnişin avtobusu alovlandı: 20 nəfər ÖLDÜ

Hindistanın Codhpura şəhərində dəhşətli hadisə baş verib. 

Avtosfer.az xarici KİV-ə istinadən xəbər verir ki, sərnişin avtobusunun anidən alovlanması nəticəsində azı 20 nəfər diri-diri yanıb. 

Hadisə nəticəsində 16 sərnişin isə ağır yaralanıb. Polisin bildirdiyinə görə, içərisində 57 sərnişin olan avtobusda yanğına qısaqapanma səbəb olub.

Məlumata görə, Caysalmer-Codhpur magistralında avtobusun arxa hissəsindən tüstü qalxmağa başlayıb. Sürücü avtomobili kənara çəksə də, qısa müddətdə bütün avtobus alovlara bürünüb. Yerli sakinlər və yoldan keçənlər hadisə yerinə gələrək xilasetmə işlərinə kömək ediblər. Əməliyyatda hərbçilər də iştirak edib. Polis əlavə edib ki, ağır yaralanan 16 sərnişin Codhpurdakı xəstəxanaya aparılıb.