Sərxoş skuter sürücüsü avtomobilə hücum edib şüşəni sındırdı - VİDEO

Sərxoş skuter sürücüsü avtomobilə hücum edib. Avtosfer.az xəbər verir ki, Rusiyanın paytaxtı Moskva şəhərində baş verən insident anbaan kameraya düşüb. Belə ki, elektrikli skuterlə hərəkət edən və əlində metal əsa olan sərxoş kişi qəfildən yolun hərəkət hissəsində yerə yıxılıb. Bundan qəzəblənən skuter sürücüsü yaxınlıqdakı minik avtomobilinin sürücüsünə hücum çəkərək yıxılmasında onu təqsirləndirib.

Avtomobil sahibinin hadisə ilə heç bir əlaqəsi olmadığını və günahsızlığını izah etmək cəhdlərinə baxmayaraq hirsini boğa bilməyən xuliqan əlindəki metal əsanı zərblə maşının yan şüşəsinə çırpıb. Nəticədə şüşə sınıb və onun qırıntıları arxa oturacaqda əyləşən qadının üzünə dəyib.Baş nahiyəsindən xəsarət alan qadına ilkin tibbi yardım göstərilib.

Hazırda polis faktla bağlı araşdırma aparır.

Sözügedən hadisənin videosunu təqdim edirik:

Namiq Musayev