Sumqayıtda halı pisləşən 3 yaşlı körpə öldü - YENİLƏNİB

Dünən saat 14:20 radlələrində 2022-ci il təvəllüdlü şəxs (kişi cinsli) ailə üzvləri tərəfindən Sumqayıt Tibb Mərkəzinin Uşaq Xəstəxanasına gətirilib. 

Sumqayıt Tibb Mərkəzindən Avtosfer.az-a verilən məlumata görə, təcili tibbi yardım şöbəsində həkimin müayinəsi zamanı şəxsin həyati əlamətlərinin olmadığı müəyyən olunub. Ölümün digər dəqiqləşdirilməmiş formaları diaqnozu təyin edilən şəxsin nəşi təşrih üçün Məhkəmə-Tibbi Ekspertiza və Anatomiya Birliyinin Sumqayıt şəhər şöbəsinə təhvil verilib.

***09:51
Sumqayıtda üç yaşlı körpə ölüb.

Avtosfer.az "Report"a istinadla verir ki, hadisə Hacı Zeynalabdin qəsəbəsində qeydə alınıb.

Xəzri yaşayış massivində yerləşən fərdi evdə yaşayan 2022-ci il təvəllüdlü Qadir Qələndərovun evdə halı pisləşib.

O, Sumqayıt Uşaq Xəstəxanasına aparılarkən yolda ölüb.

Faktla bağlı Sumqayıt Şəhər Prokurorluğunda araşdırma aparılır.