Sürücü avtomobili insanların üzərinə sürdü: Ölənlər var

Çinin şərq əyaləti Şandunqda avtomobilin elektrik skuteri sürən bir qrup insanı vurması nəticəsində səkkiz nəfər həlak olub, daha dörd nəfər yaralı xəstəxanaya yerləşdirilib.

Avtosfer.az-ın TASS-a istinadən verdiyi məlumata görə, yaralıların vəziyyəti sabit olaraq qiymətləndirilir.

Qeyd olunur ki, avtomobilin sükanı arxasında 37 yaşlı kişi olub. İlkin araşdırmalara görə, qəzanın səbəbi avtomobilin sərxoş vəziyyətdə idarə edilməsi olub. Polisdən bildirilib ki, sürücü minik avtomobili ilə hərəkət edərək bir çox elektrik skuterini vurub. Bir nəfər hadisə yerində həlak olub, yeddi nəfər xəstəxanaya çatdırılıb, lakin həkimlər onları xilas edə bilməyiblər.

Hadisə oktyabrın 14-də gecə baş verib. Əlavə araşdırma aparılır.