Təbrizdə 3 azyaşlı öldürüldü - İkisi azərbaycanlıdır

Təbriz şəhərində SEPAH qüvvələri və üçü azyaşlı da daxil olmaqla, müharibədə həlak olan 11 nəfərin dəfn mərasimi keçirilib. 

Avtosfer.az İran mətbuatına istinadən xəbər verir ki, dünənki hücumlardan sonra Təbrizdə Mahan və Mahur Əlizadələr, eləcə də Ata Əzmudə həyatını itiriblər. 

Əlizadələr Təbrizin Zəfəraniyə ərazisində yaşayış binasına edilən hücum zamanı öldürülüb.Ata Əzmudə isə ailəsi ilə birlikdə küçəni keçərkən Təbriz Xüsusi Bölməsi ərazisini hədəf alan hücum zamanı öldürülüb. 

"Həbib Əlizadə (ailənin atası), Mahan Əlizadə (uşaq), Mahur Əlizadə (uşaq), Ata Əzmudə (13 yaşlı yeniyetmə), Hüseyn Efti Laleh, Əli Sərbaz Əmənd və Əli Pir Əmənd Azərbaycan xalqının çiyinlərində xalq şəhidləri kimi dəfn olunacaqlar", - deyə məlumatda qeyd olunub. 

Bundan əlavə, Əmmar Məhəmmədinəjad (SEPAH), Əmir Hüseyn Soltani (İslam Respublikası Ordusu), Həbib Fərşbaf (SEPAH) və Murtəza Xeyri (Bəsic qüvvəsi) dəfn mərasimi keçirilib./unikal