Ukraynanın eks-baş nazirinin mətbuat katibinin maşını partladıldı - Moskvada - FOTO

Moskvada növbəti terror aktı törədilib. 

Avtosfer.az Rusiya mətbuatına istinadən xəbər verir ki, Kirovoqradskaya küçəsində yolsuzluq avtomobili partlayıb. Partlayışa nəqliyyat vasitəsinin altına yerləşdirilmiş kustar üsulla hazırlanmış partlayıcı qurğu səbəb olub.

Məlumata görə, partlayan nəqliyyat vasitəsi siyasi təhlilçi Sergey Zavorotnıya məxsusdur. O, əvvəllər Ukraynanın keçmiş baş naziri Nikolay Azarovun mətbuat katibi vəzifəsində çalışıb, 2004-cü ilə qədər isə Rusiya Dövlət Dumasında fəaliyyət göstərib. S. Zavorotnıya media və siyasət sahəsində ixtisaslaşıb.

Partlayışdan sonra Zavorotnı xəstəxanaya yerləşdirilib. Şahidlərin sözlərinə görə, o, avtomobildən öz gücü ilə çıxa bilib./unikal