Video çəkən gənc oğlan yerüstü keçiddən yola yıxıldı, ayaqları sındı - VİDEO

Türkiyənin İstanbul şəhərində gənc oğlan yerüstü piyada keçidindən düşərək yola yıxılıb.

Avtosfer.az-ın məlumatına görə, hadisə martın 11-də səhər saatlarında qeydə alınıb. Videodan da göründüyü kimi, keçiddən asılı vəziyyətdə qalan İbrahim Koyuncu adlı piyada yuxarı qalxmağa cəhd etsə də asfalta düşüb. Təxminən 7 metr yüksəklikdən yerə yıxılan oğlan ayaqlarından xəsarət alıb. Ardınca o, özünü itirmədən hərəkətdə olan maşınları görərək dərhal yol kənarına çəkilib. Ayaqları sınan gənc xəstəxanaya yerləşdirilib.

Qeyd edək ki, qəzaya düşən gənc ekstrim idman videoları çəkərək sosial şəbəkə hesabında paylaşır. Elə o, bu məqsədlə keçiddə video çəkmək istədiyini və bu zaman qəzaya düşdüyünü bildirib. 

Gənc oğlan jurnalistlərə açıqlamasında törətdiyi əməldən peşman olmadığını qeyd edib.

Nərmin