Yasamalda sürücüləri əyilərək keçməyə məcbur edən ağac budandı - FOTO+VİDEO

Bakı şəhər Yaşıllaşdırma Təsərrüfatı Birliyindən Avtosfer.az-a bildirildi ki, sözügedən ağacın bəzi budaqları müraciət əsasında budandı, lakin sərt budanma onun bioloji inkişafına zərər yetirə bilər. Ağacın kəsilməsi isə yalnız aidiyyətı dövlət qurumunun müvafiq rəyi əsasında həyata keçirilə bilər.

*** 15:00 

Paytaxtın Yasamal rayonu, Bəxtiyar Vahabzadə küçəsində yol kənarında yerləşən ağacın sürücülər üçün təhlükə yaratdığı bildirilir.

Avtosfer.az-ın məlumatına görə, bununla bağlı sürücülərdən biri sosial şəbəkədə videogörüntülər paylaşıb. Belə ki, yol kənarındakı ağacın budaqları hərəkət hissəsinə doğru əyilib. Nəticədə ərazidən keçən sürücülərin çətinlik yaşayırlar.

Xüsusilə motosiklet və moped idarə edən şəxslər üçün bu mənzərə bu vəziyyət təhlükə yaradır.  Kadrlardan göründüyü kimi, ərazidən keçən motosikletçi ağacın budaqlarına toxunmamaq üçün başını aşağı əyərək hərəkət etməyə məcbur qalıb.

Sürücü aidiyyəti qurumları sözügedən problemlə bağlı tədbir görməyə çağırıb.

Nərmin