Yaşıl işıqda keçiddən keçən vecsiz piyada sürücülərə təhlükə yaratdı - VİDEO

Paytaxtın Azadlıq prospekti ilə Hənifə Ələsgərova küçəsinin kəsişməsində qayda pozan piyada görüntülənib.

Avtosfer.az-ın məlumatına görə, xoşagəlməz hadisə bir neçə gün əvvəl səhər saatlarında qeydə alınıb. Videodan göründüyü kimi, piyada hərəkətdə olan maşınlara əhəmiyyət vermədən yolu keçir. Belə ki, o, işıqforla nizamlanan piyada zolağından keçsə də, növbəsini gözləmədən hərəkət edib. Nəticədə piyada həm özünü, həm də “Ford Transit” və “KIA” markalı avtomobillərin sürücülərini təhlükəyə atıb. Xoşbəxtlikdən qəza baş verməyib.

Təəssüflə qeyd edək ki, qaydalara riayət etməyən piyadalar kifayət qədərdir. Piyadaların bir qismi isə keçidlərdən keçərkən sürücülərin istənilən halda onlara verəcəklərini düşünür. Nəticədə maşınlara fikir vermədən yolu keçərək qəza riskinə, ən pis halda qəzaya səbəb olurlar. 

Nərmin