Yaxın Şərqdə gərginlik artır: İran ABŞ banklarını hədəfə aldı

İran ABŞ və İsrailin Tehranda banklara endirdiyi zərbələrə cavab olaraq Dubay və Manamada yerləşən Amerika bankı "Citibank"ın şöbələrinə hücum edib. Avtosfer.az xəbər verir ki, bunu İslam İnqilabı Keşikçiləri Korpusunun (SEPAH) nümayəndəsi general Əli Məhəmməd Naini bildirib. Onun sözlərinə görə, bu addım ABŞ-nin iki İran bankına qarşı həyata keçirdiyi hücuma cavab olub. Naini əlavə edib ki, bu cür hücumlar təkrarlanacağı təqdirdə, bölgədə yerləşən bütün Amerika banklarının şöbələri İran üçün qanuni hədəfə çevriləcək./Oxu.az