Yolu keçmək istəyən uşaq yük maşınını görüb geri qayıtdı, anası isə... - VİDEO

Paytaxtın Nəsimi rayonunda yolu müəyyən olunmamış yerdən keçən piyadalar kameraya düşüb.

Avtosfer.az xəbər verir ki, hadisə noyabrın 11-də saat 14:00 radələrində Şəmsi Bədəlbəyli küçəsində qeydə alınıb.

Kadrlardan görünür ki, qadın övladları ilə birlikdə yolu müəyyən olunmamış yerdən keçməyə çalışır. Bu zaman uşaqlardan biri yaxınlaşan yük avtomobilini görərək yolun yarısından geri qayıdır. Sürücünün dayandığına əmin olduqdan sonra isə hərəkətini davam etdirərək yolu keçir.

Görüntülərdə qadının telefonla danışdığı və yolu keçərkən övladlarına lazımi diqqət göstərmədiyi də aydın görünür.

Qeyd edək ki, hadisənin baş verdiyi ərazidə piyadaların yolu təhlükəsiz keçməsi üçün piyada keçidi də mövcuddur.

Nərmin