Yolun ortasını səkiyə çevirən piyada avtomobillərə məhəl qoymadı - VİDEO

Paytaxtın Nəsimi rayonu, Dilarə Əliyeva küçəsində qayda pozan piyada kameraya düşüb.

Avtosfer.az-ın məlumatına görə, hadisə avqustun 24-də saat 07:34 radələrində qeydə alınıb.

Kadrlardan görünür ki, orta yaşlı qadın hərəkətdə olan nəqliyyat vasitələrinə əhəmiyyət vermədən yolun hərəkət hissəsi ilə gedir. O, yaxınlaşmaqda olan avtomobili də nəzərə almadan bir müddət yolun ortasında irəliləyir. Daha sonra piyada yolun sol tərəfinə keçmək istəyərkən hərəkət istiqamətinə diqqət yetirərək yolu keçməyə çalışır. Qayda pozan qadından fərqli olaraq biraz irəlidə digər piyadaların yolu nizamlanan keçiddən istifadə edərək keçdikləri də videoda aydın şəkildə görünür. 

Qeyd edək ki, piyadaların yolun hərəkət hissəsində müəyyən edilmiş qaydalara zidd hərəkət etməsi həm özləri, həm də digər hərəkət iştirakçıları üçün təhlükə yaradır. Yol hərəkəti qaydalarına əsasən, piyadalar yolu yalnız müəyyən edilmiş və təhlükəsiz keçidlərdən istifadə etməklə keçməlidirlər.

Nərmin