Zibil maşınının altında qalan qadın facivi şəkildə həyatını itirdi - VİDEO

Türkiyənin şəhəri Sinopda sürücüsünün zibil toplama əməliyyatından sonra manevr etməsi nəticəsində bələdiyyəyə məxsus yük maşınının vurduğu 66 yaşlı Fikriyə Özdemir faciəvi şəkildə dünyasını dəyişib.

Avtosfer.az türk mediasına istinadən xəbər verir ki, Sinop Bələdiyyəsinə məxsus 57 KE 273 nömrə nişanlı zibil maşınını idarə edən Ekrem D., zibil topladıqdan sonra geri manevr edib və həmin vaxt maşının önündən keçmək istəyən Fikriyə Özdemiri vurub.

Maşın qadının üzərindən keçib. Ətrafdakıların məlumatı əsasında əraziyə təcili tibbi yardım və polis əməkdaşları göndərilib. Sağlamlıq işçilərinin yoxlaması nəticəsində Fikriyə Özdemirin hadisə yerində həyatını itirdiyi müəyyən edilib.

Bundan başqa, qəzaya aid görüntülər yaxınlıqdakı təhlükəsizlik kamerasına yansıyıb. Kadrlarda yük maşınının qadına çırpılıb üzərindən keçdiyi anlar açıq şəkildə görünür. Hadisə ilə bağlı araşdırma başlanılıb./Sonxeber