120-lik yolda 119-la radara düşən sürücü danışdı - VİDEO

Saatda 80,100 və 120 kilometr sürət həddi olan yolda radara düşən sürücü ona yazılmış protokoldan narazıdır. Sürücü iddia edir ki, saatda 120 kilometr sürəti olan zolaqda hərəkət edib. Amma buna baxmayaraq ona saatda 119 km sürətlə hərəkət etməsi barədə elektron protokol gəlib. Sürücü Həşim Qədirov iddia edir ki, birinci zolaqda hərəkət edib və həmin zolaq üçün taboldakı sürət həddi saatda 120-dir.

Maraqlısı budur ki, sürücüyə gələn məktubda avtomobilinin yalnız yaxından olan bir fotosu var. Yəni yolda ümumi avtomobillərin hərəkəti zamanı çəkilən fotoda Həşim Qədirovun avtomobili yoxdu.

Qanuna əsasən sürücü əgər hüquqlarının pozulduğunu düşünürsə, əvvəlcə aidiyyatı üzrə yəni Bakı Şəhər Dövlət Yol polis idarəsinə müraciət eməlidir. İdarədə məsələ araşdırılacaq. Əgər sürücü verilən qərardan da narazı qalarsa, onda məhkəməyə müraciət etməlidir.