Avtobuslar var, dayanacaqlar yoxdur - VİDEO

Bakıda metronun "Koroğlu" stansiyasının yaxınlığında yeni yaradılan Nəqliyyatın Mübadilə Mərkəzində dayanacaqlar quraşdırılmayıb. Geniş asfaltlanmış ərazidə çoxlu sayda avtobus və sərnişinlər olsa da, bir dənə də dayanacaq yoxdur. Avtobus gözləyən sərnişinlər isə əllərində olan əşyalarla gündən qorunmaqa çalışırlar. Bu ərazidə əsasən Bakı kəndlərinə gedən maşurut avtobusları toplaşır və əksər avtobusların sonuncu dayanacağıdır.

Məsələ bağlı Bakı Nəqliyyat Agentliyinin sözçüsü Nuridə Allahyarova bildirdi ki, "Koroğlu" metrostansiyasının yanında yaradılan bu ərazi Nəqliyyatın Mübadilə Mərkəzi adlandırılıb və pilot layidədir. Yaxın gələcəkdə bu ərazidə hər bir maşurut xətti üçün dayanacaq və əlavə yol nişanları quraşdırılacaq. Sözügedən yerdə dispetçerlər üçün də otaqlar qurulacaq ki, informasiya əldə etmək istəyən sərnişinlər ora müraciət edə biləcəklər. Eyni zamanda avtobusda itirilən əşyalarda həmin otaqlara təhvil veriləcək.