«‎Azərbaycan Dəmir Yolları ilə «sevişirik" – ŞİKAYƏT

Bakıda yaşayan Emin Tarverdiyev adlı vətəndaş «‎Azərbaycan Dəmir Yolları» ASC-dən elektron qaydada ödənih etməklə bilet almağa çalışıb. Lakin istəyinə nail ola bilməyib. Avtosfer.az-ın xəbərinə görə, məlum olub ki, ASC-nin sistemi işləmir. Bunu qurumun əməkdaşı da təsdiq edib. Emin Tarverdiyevin başına gələnlərlə bağlı fuysbok səhifəsində yazdıqlarını olduğu kimi təqdim edirik: 

«Dünəndən ‎»Azərbaycan Dəmir Yolları» ilə sevişirik". Onlayn bilet almaq problemə çevirilib. Bütün əməliyyat aparılır, sonda yazır ki, satış uğursuz oldu. Zəng etmişəm, xanım üzümə dirənib ki, yəqin nə isə səhv edirsiniz. Yenidən o əməliyyatları birgə "addımladıq". Və....Nəticə məlumdur, satış yenə də uğursuz. 

"Xanım, səbəbini deyin də, niyə belə olur?" deyə müraciət edirəm. "Sistem açılmır, mən girə bilmirəm" deyə cavab verir bu xanım.

P.S. Ay bir evin dirəyi, ay bir kişinin dayağı - sistem işləmirsə de ki, sistem işləmir. Ta üzümə niyə dirənirsən ki, nəyisə səhv edirsiniz».

Ruslan