Azərbaycanda tərsinə qoyulan yol nişanlarını düzəltdilər – FOTO

Azərbaycanda yol nişanlarının bəzi yerlərdə tərsinə qoyulması ilə bağlı Avtosfer.az-da yayılan məlumata «Azəravtoyol» ASC tərəfindən dərhal reaksiya verilib və həll edilib. 

Qeyd edək ki, Avtosfer.az-a oxucular tərəfindən iki fotoda yol nişanlarının düzgün tətbiq edilmədiyi əksini tapmışdı. Bu nişanlardan biri Qobustan rayonu ərazisində, digəri isə Yevlaxda çəkilib. Nişanlarda çatışmayan cəhət odur ki, hər ikisi başıaşağı qoyulub. Xəbərdarlıq nişanları qrupuna aid olan bu nişan əslində indiki vəziyyətin tam əksinə qoyulur. Yəni, bucaqlardan ikisi yuxarıda olmalıdır. 

«Azəravtoyol» ASC-dən verilən məlumata görə, Avtosfer.az saytında gedən məlumat yerində araşdırılıb və məlum olub ki, yol nişanı bağlanan bolt qırıldığı üçün yol nişanı fırlanaraq tərsinə düşüb: «Baş vermiş nöqsan aradan qaldırılıb və həmin yol nişanının fotosu sizə göndərilir».

Həmin fotonu təqdim edirik:

Elmin