Azərbaycanda yeni yol nişanı – Gülünc FOTOLAR

Azərbaycanda yol nişanları ilə bağlı ciddi problem var. Nişanların çatışmazlığı bir yana, mövcud nişanlar arasında standartlara cavab verməyən, köhnəlib sıradan çıxmışları da var. Bu azmış kimi, bəzi yol nişanlarını düzgün tətbiq etmirlər. Avtosfer.az-a oxucular tərəfindən iki fotoda yol nişanlarının düzgün tətbiq edilmədiyi əksini tapıb. Bu nişanlardan biri Qobustan rayonu ərazisində, digəri isə Yevlaxda çəkilib. Nişanlarda çatışmayan cəhət odur ki, hər ikisi başıaşağı qoyulub. Xəbərdarlıq nişanları qrupuna aid olan bu nişan əslində indiki vəziyyətin tam əksinə qoyulur. Yəni, bucaqlardan ikisi yuxarıda olmalıdır. Görünür, bu nişanları orada quraşdıranların başı aşağıda olub. Yaxud da, onlara elə gəlib ki, nişanı bu cür qoyanda daha qəşəng görsənir…

Elmin