Bakıda sürücüdən ŞOK addım – Evakuatorun apardığı avtomobilini yol polisinə bağışladı - FOTO

Gənc fəal Bəxtiyar Hacıyev avtomobilinin qanunsuz evakuasiya edilməsinə etiraz əlaməti olaraq cərimə meydançasında maşının üstünə "Baş Dövlət Yol Polisi İdarəsinin rəisi, general-mayor Ramiz Zeynalova hədiyyə" yazısı yapışdırıb. Avtosfer.az xəbər verir ki, bu barədə Hacıyev öz facebook hesabında status paylaşıb. Gənc siyasətçi öncə yazıb: "90-MV-558 dövlət nişanlı avtomobilimi Baş Dövlət Yol Polisi İdarəsinin rəisi, general-mayor Ramiz Zeynalova hədiyyə edirəm. 6 saylı cərimə meydançasındadır. Gülə-gülə, xoş günlərdə istifadə etsin.
3 ildir məhkəmələrin bir-birinin üstünə ataraq uzatdığı işi sürətləndirmək məqsədi ilə Suraxanı məhkəməsi Penitensiar Xidmətə sorğularını özümün aparmağımı təklif etdi. Saxladım PX qarşısında, məktubu poçt qutusuna atıb çıxdım (3, maksimum 4 dəq ərzində), gördüm şanlı, operativ DYP avtomobili aparıb. Ona görə də, cərimə və evakuator xidməti ödəməkdən bezib, imtina edib, hədiyyə edirəm".
Daha sonra isə avtomobilinin aparıldığı cərimə meydançasından foto paylaşaraq qeyd edib: "Evakuator oğurluqlarına etiraz əlaməti olaraq gedib avtomobilin üstünə "Baş DYP rəisi, general-mayor Ramiz Zeynalova hədiyyə" yazısını yapışdırıb, velosipedimi avtomobildən götürüb çıxdım. Dostluğumdakı DYP əməkdaşları Ramiz müəllimə çatdırsınlar.
Mən də velosipeddən istifadə edə-edə, bacardığım qədər bütün yollarla həm bu problemlə, həm də DYP nəzarətində olan bütün digər problemlərlə mübarizə aparmağa başlayım".
Hacıyevin bu addımı yüzlərlə izləyicisinin marağına səbəb olub və yekdilliklə bu sivil mübarizəni dəstəklədiklərini bildiriblər.
Fərid
Hansı din xadimlərinin dövlət qulluğunda çalışmasına məhdudiyyət qoyulur? – DEPUTAT
Polad Həşimovun anasının son durumu AÇIQLANDI
Bakıda sürücülərin cərimələnməsinə səbəb olan yol xətlənməsi dəyişdirildi - VİDEO
Naxçıvanda benzin qıtlığı var? - SOCAR-dan RƏSMİ CAVAB
Məşhur qadın biznesmenlə bağlı QƏRAR EDİLDİ
Vüqar Əliyev və 651 min manat: Bahalı hədiyyələr kimə sifariş edilib?
Vətəndaşlar şəhərdəki eskalatorların işləməməsindən narazıdır - EKSPERT
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?















