Briliant Dadaşova qaydaları pozdu: Kəməri taxmır, gözü də telefonda qalıb - VİDEO

Xalq artisti Briliant Dadaşova avtomobil idarə edərkən yol hərəkəti qaydalarını kobud şəkildə pozub.

Avtosfer.az xəbər verir ki, sənətçi bu barədə öz sosial şəbəkə hesabında video paylaşıb.

Belə ki, görüntülərdə onun avtomobil idarə edərkən təhlükəsizlik kəmərindən istifadə etmədiyi və diqqətini mobil telefona yönəltdiyi görünür.

Qeyd edək ki, “Yol hərəkəti haqqında” qanuna əsasən, konstruksiyasında təhlükəsizlik kəməri nəzərdə tutulan avtomobillərdə sürücü hərəkət zamanı kəmərdən istifadə etməlidir.

İnzibati Xətalar Məcəlləsinin 329.1-ci maddəsinə əsasən, təhlükəsizlik kəmərindən istifadə etmədən avtomobil idarə etməyə görə 40 manat cərimə nəzərdə tutulur.

Sükan arxasında telefondan istifadə isə ayrıca yol hərəkəti qaydasının pozulması hesab olunur.