Bu rayonda bir gecədə 50-dən çox at oğurlandı - VİDEO

Cəlilabadda sakinlərin atları bir neçə gündür ki, yoxa çıxır. Məlum olub ki, ümumilikdə 50 dən yuxarı at oğurlanıb. Hadisə ilə bağlı polisə də məlumat verilib. Cəlilabadda kəndlilərə məxsus atlar otlaq sahəsindən oğurlanıb. Hadisə rayonun Soyuqbulaq kəndində baş verib. Kənd sakinləri deyirlər ki, gündüzlər atları təsərrüfat işlərinə cəlb edirlər, axşamlar isə onları otlamaq üçün yaxınlıqdakı görüş sahəsinə buraxıblar. Səhər axtarsalar da kəndlilər atlarını örüşdə tapa bilməyiblər. Ümumilikdə bir neçə gün ərzində Soyuqbulaq kəndindən müxtəlif şəxslərə məxsus 50 dən yuxarı at oğurlanıb. Kəndlilərin sözlərinə görə heyvanların kütləvi oğurlanmısı oğruların bir yox, bir neçə nəfər olduğunu deməyə əsas verir.

Məsələ ilə bağlı kənd sakinləri polisə məlumat veriblər. Cinayət faktı ilə bağlı Cəlilabad rayon Polis şövbəsindən bildirildi ki, hadisə ilə bağlı saxlanılan olmasa da artıq şübhəli şəxslər müəyyən edilib. Hazırda faktla araşdırmalar davam etdirilir.