Bu yolda 8 km ötmə əməliyyatı etmək olmur - VİDEO

Paytaxtın Pirallahı rayonuna aparan təxminən 7-8 kilometrlik yolda sürücülər ötmə əməliyyatını yerinə yetirə bilmirlər. Sürücülər ötmə əməliyyatını etmək üçün qarşı hərəkət zolağına keçdikdə isə yol polisi onları cərimələyir. Ekspertlər isə bu yolda nişanlanma xəttinin düzgün çəkilmədiyini bildirirlər. Yolda ötmək qadağandır nişanı da qoylub. Bəs görəsən məsələ necə tənzimlənməlidir? "Yol hərəkəti haqqında" qanuna görə, piyada keçidlərində, dəmiryolu keçidlərində və onlara 100 metrdən az məsafə qaldıqda, tunellərdə, sərt döngələrdə, eləcə də eniş və yoxuşlarda ötmək qadağandır. Bu yola gəldikdə isə sürücülərin ötmə əməliyyatını yerinə yetirməsi üçün qırıq-qırıq xətt yəni 1.5 nişanlanma xətti olmalıdır.