«Cərimə meydançasında polislər məni ələ salıb təhqir etdilər» - Samiraldo

"Dünən maşınımı ödənişli dayanacaqda saxladım, orada heç bir işarə yox idi. Gözümün qabağında maşınımı apardılar. Çıxdım bayıra, qaça-qaça gəlib maşını hara apardıqlarını soruşdum. Maşını sürən şəxs məni təhqir etməyə başladı". Bu sözləri "Qafqazinfo"ya açıqlamasında stilist Samir Əliyev (Samiraldo) deyib. O, cərimə meydançasında polislərin təhqirinə məruz qaldığını qeyd edib: "Əsəb keçirdim, belə hörmətsizlik görməmişdim. Mənə maraqlıdır ki,  nə qayda pozmuşam? "Kayf"larına düşüb maşınımı apardılar. Cərimə meydançasına getdim, polislər məni ələ salıb təhqir etdilər. Yaxşı ki, yanımda adam vardı. Əsəbimdən axşam yatmamışam. Cəriməyə görə yox, haqsızlığa görə əsəbiləşirəm, yanıb tökülürəm".