Günəşdə yenidən güclü partlayışlar başladı

Günəşdə iki həftəlik fasilədən sonra yenidən güclü partlayışlar başlayıb. Avtosfer.az xəbər verir ki, bu barədə informasiyanı Rusiya Elmlər Akademiyasının Kosmik Tədqiqatlar İnstitutunun Günəş Astronomiya Laboratoriyası "Telegram" kanalında yayıb. Məlumata görə, Moskva vaxtı ilə saat 04 radələrində (Bakı vaxtı ilə saat 05:00-də - red.) ulduzun şərq kənarında M1.0 gücündə partlayış baş verib Bu hadisə 3-9 noyabr həftəsində pik həddə çatacaq uzunmüddətli günəş aktivliyinin artmasının xəbərçisidir. Ulduzun sol kənarında Yerə doğru iki güclü aktivlik mərkəzinin meydana çıxdığı müşahidə olunur.
Qeyd edək ki, Günəşdə partlayışlar rentgen şüalanmasının gücündən asılı olaraq beş sinfə bölünür: A, B, C, M və X.