İtkin düşən biznesmenin və arvadının meyiti səhrada tapıldı

Birləşmiş Ərəb Əmirliklərində itkin düşən rusiyalı biznesmen Roman Novak və onun həyat yoldaşının meyitləri tapılıb.

Avtosfer.az Rusiya KİV-ə istinadən xəbər verir ki, cütlüyün meyitləri təxminən iki həftə əvvəl səhralıq ərazidə, boş torpaq sahəsində aşkarlanıb. Onların ölümü ilə bağlı detalalr ıqlanmayıb.

Hadisə barədə ilk məlumat oktyabr ayında, ailə üzvlərinin polisə müraciət etməsindən sonra ortaya çıxmışdı. Məlumata əsasən, cütlük BƏƏ-də olub və Hatta şəhərində investorlarla görüşməli idi. Onları həmin gün sürücü gölə aparıb və orada başqa bir maşına mindikdən sonra əlaqə tamamilə itib.

İlkin versiyalara görə, onları oğurlayan şəxslər biznesmendən kriptocüzdanda ola biləcək böyük məbləğ tələb ediblər. Mətbuatda cütlüyün öldürüldükdən sonra hissələrə bölündüyü də iddia olunub.

Rusiya hüquq-mühafizə orqanları cinayətdə şübhəli bilinən şəxsləri saxlayıb.