Masazırda yolun çökməsi saatlarla tıxac yaratdı - VİDEO

Uzunmüddətli tıxac yaranır, sürücülər saatlarla gözləyirlər... Yolun çökməsi sürücülərə əlavə problem yaradıb.

Avtosfer.az xəbər verir ki, görüntülər Abşeron rayonu, Masazır qəsəbəsindəndir.

Sürücülərin sözlərinə görə, xüsusilə Masazır dairəsi istiqamətində hərəkət zamanı uzunmüddətli tıxac yaranır. Buna səbəb isə yolun sağ hissəsində bir müddətdir çökmənin baş verməsidir.

Sürücülər avtomobillərinin çökən hissəyə düşməməsi üçün məcburən yolun soluna çıxırlar. Bu zaman qarşı istiqamətdən gələn nəqliyyat vasitələrinin hərəkəti də çətinləşir və nəticədə yolda sıxlıq daha da artır.

Məsələ ilə bağlı Azərbaycan Avtomobil Yolları Dövlət Agentliyindən "Xəzər Xəbər"ə bildirilib ki, iki gün ərzində əraziyə qəza-bərpa xidməti göndəriləcək və yolun çökmüş hissələrinin təmiri həyata keçiriləcək.