Maşınları elə yerdə park etdilər ki, yanğını söndürmək çətin oldu – Bakıda - FOTO

İki gün əvvəl Bakıda yanğın hadisəsi baş verib. Bu barədə Avtosfer.az-a məlumat verən oxuculardan biri bildirib ki, hadisə Heydər Əliyev prospektindən Keşdə qəsəbəsinə gedən yolda qeydə alınıb. Zəki Məmmədov küçəsində – Nizami rayon 23-cü polis bölməsindan sağa dönən yerdə baş verən hadisənin qarşısını almaq üçün əraziyə FHN-nin yanğınsöndürənləri və maşınlar gəlib. Amma fotolardan da göründüyü kimi, ərahidə çoxlu sayda avtomobil dəmiryolunda park edildiyi üçün yanğınsöndürənlər alovu söndürmək üçün yaxına gedə bilməyiblər. Yanğını söndürmək məhz bu avtomobillərə görə saatlarla vaxt aparıb.

Qeyd edək ki, qanunvericiliyə görə, dəmiryolu yaxınlığında avtomobillərin park edilməsi qadağandır.

Ümid edirik ki, bu biabırçı vəziyyətə aidiyyatı orqanlar tərəfindən dərhal reaksiya veriləcək və tədbir görüləcək.

Emin