Mərkəzi Nəbatat Bağında azyaşlını ilan sancdı - YENİLƏNİB

Mərkəzi Nəbatat Bağında ilan sancması ilə bağlı bizə hər hansı məlumat daxil olmayıb.

Avtosfer.az oxu.az-a istinadən xəbər verir ki, bu məlumat Mərkəzi Nəbatat Bağının Mətbuat Xidmətindən verilib.

"Bağın ərazisinə təcili tibbi yardım avtomobili də daxil olmayıb. Yayılan xəbər tərəfimizdən araşdırılır", - deyə məlumatda bildirilir.

***

Mərkəzi Nəbatat Bağında 7 yaşlı Ə.Heydərovu ilan sancıb.

Avtosfer.az "Qafqazinfo"ya istinadla xəbər verir ki, hadisə ötən gün baş verib.

Uşaq Kliniki Tibbi Mərkəzin Toksikologiya şöbəsinə yerləşdirilib.

Hadisə ilə bağlı TƏBİB-dən bildirilib ki, azyaşlının vəziyyəti ağır qiymətləndirilir:

"Ötən gün ilan sancması səbəbi ilə 2018-ci il təvəllüdlü azyaşlı (kişi cinsli) Kliniki Tibbi Mərkəzin Toksikologiya şöbəsinə hospitalizasiya olunub.

Dərhal zəruri tibbi xidmətlər göstərilən azyaşlıya ilan zəhəri əleyhinə zərdab tətbiq olunub.

Hazırda azyaşlının müalicəsi Toksikologiya şöbəsində davam etdirilir, vəziyyəti ağır qiymətləndirilir".