Ramanada 6 ildir marşrut problemi yaşanır - Şikayət - VİDEO

Sabunçu rayonu, Ramana qəsəbəsi 9-cu mədən küçəsin sakinləri 2010-cu ildən bəri marşrut problemi yaşayırlar. Bu yaşayış massivindən keçən yeganə 282 nömrəli marşrut  düz altı ildir ki, ləğv edilib. Əvvəllər bu istiqamətdə işləyən 282 nömrəli marşrtun xətdən çıxarılmasının səbəbi bu xəttə işləyən avtobusların kiçik tutumlu olması olub. Həmin xidməti göstərən şirkətin sahibi bildirir ki, onların qarşısına xəttə iritutumlu avtobus  çıxarılması tələbi qoyulubmuş. Amma onlar bu tələbəi yerinə yetirə bilməyiblər.

Bakı Nəqliyyat Agentliyindən isə bildirildi ki, bu barədə sözügedən daşıyıcı şirkət tərəfindən agentliyə müraciət daxil olub. Hazırda paytaxt ərazisində agentliyin əməkdaşları tərəfindən sərnişin axını öyrənilir. Əgər həmin ərazidə avtobusların bərpa edilməsinə ehtiyac olduğu təsdiqini taparsa və sahibkarın təqdim etdiyi avtobuslar tələblərə cavab verərsə, bu zaman xətt bərpa edilə bilər.