Regionlarda svetoforların iş rejimi nəzarətdə saxlanılır - VİDEO

Regionlarda svetoforların iş rejimi nəzarətdə saxlanılır.

DİN-in Baş Dövlət Yol Polisi İdarəsinin “Siqnal” İdarəsi tərəfindən Avtosfer.az-a verilən məlumata görə, regionların inzibati ərazilərində quraşdırılmış svetoforların normal işləməsi, istismar prosesində meydana gələn problemlərin vaxtında aradan qaldırılması üçün zəruri tədbirlər görülür.

İdarənin regional qurumları tərəfindən Ağdam, Tərtər, Bərdə, Xankəndi, Şirvan, Qəbələ, Hacıqabul, Saatlı, Sabirabad və Şamaxıda svetofor obyektlərinə texniki qulluq göstərilib, idarəedici qurğularda baş verən nasazlıqlar aradan qaldırılıb.

Təhsil müəssisələrinə yaxın küçə və prospektlərdə quraşdırılmış svetoforlarların iş rejimi xüsusi nəzarətdə saxlanılıb, qurğulara texniki qulluq göstərilib, sıradan çıxan hissələr yenisi ilə əvəz olunub.