SOCAR sürücüləri belə aldadır - FOTOFAKT

«SOCAR yenə də insanların cibinə girir». Bunu Tural Məhərrəmov adlı feysbuk istifadəçi iki gün əvvəl öz statusunda yazıb. Avtosfer.az-ın məlumatına görə, o, SOCAR tərəfindən aldadıldığını iddia edir və bunu sübut edən fotoları da paylaşır. Tural Məhərrəmovun yazdıqlarını və paylaşdığı fotoları olduğu kimi təqdim edirik: «SOCAR yanacaqdoldurma məntəqəsinə avtomobilimə yanacaq doldurmaq üçün daxil oldum. Məntəqəyə daxil olarkən yanacaq çənində 5 litr yanacaq var idi. «Mercedes W-210 2.2 CDI» markalı avtomobilin yanacaq çəni 65 litr tutduğu halda avtomobilimin çəninə 72 litr dizel yanacağı əlavə olundu. Bir ildən çoxdur mən bu maşına yanacaq doldururam, heç vaxt 62-63 litrdən çox yanacaq getməyib. Avtomobilin bort-monitoru yanacaq çəni tam dolu olanda 65 litr yanacaq olduğunu göstərir. Xahiş edirəm, hamınız paylaşın ki, camaat ayıq olsun. Bircə SOCAR-ı tərif edirdilər ki, sayğacda təmizdir, bu da SOCAR».

Elmin