Sürücüdən rüşvət alan yol polisləri saxlanıldı

Rusiyanın Moskva vilayətinin Dövlət Yol Müfəttişliyinin Yujnı yol polisi alayının iki əməkdaşı xırda rüşvət aldıqları üçün saxlanılıb.

Avtosfer.az yerli mediaya istinadla xəbər verir ki, müfəttiş və böyük inspektor avqustun 13-də Balaşixa şəhər dairəsi ərazisində M-7 şosesində “JAC J7” markalı avtomobili saxlayaraq sürücüdən 5 min rubl rüşvət aldıqları üçün ifşa olunublar.

Bu pula görə avtomobildə diaqnostik kartın olmamasına görə cərimə yazmayacaqlarına söz veriblər.

(lent.az)