Trans-Xəzər marşrutu üzrə Çin–Avropa dəmiryol xətti ilə 5 ildə 19 min konteyner daşınıb

Trans-Xəzər Beynəlxalq Nəqliyyat Marşrutu üzrə Çin (Çjetszyan) – Avropa dəmiryol ekspres xəttinin fəaliyyətə başlamasından 5 il ötüb və bu müddətdə xətt üzrə mütəmadi daşımalar həyata keçirilib. Avtosfer.az "Report"a istinadən xəbər verir ki, marşrut çərçivəsində ümumilikdə 51 istiqamət üzrə fəaliyyət göstərilib, 4 182 konteyner (TEU) daşınıb. Cənub marşrutları ilə göndərilən yüklərin 17 %-i məhz bu xəttin payına düşüb. Son 5 ildə xətt üzrə ümumilikdə 237 qatar hərəkət edib, daşınan konteynerlərin sayı isə 19 470 TEU olub. Daşımaların həcmi əsasən Mərkəzi Asiya, Avropa və Azərbaycan üzrə bölüşdürülüb. Mərkəzi Asiya regionu üzrə yük dövriyyəsi 4,76 milyard yuan, Avropa regionu üzrə 1,76 milyard yuan, Azərbaycan üzrə isə 2,02 milyard yuan (təqribən 202 milyon manat) təşkil edib. Bu xətt üzrə əsasən gündəlik tələbat malları, sənaye məhsulları, kimya sənayesi məhsulları, avadanlıqlar və avtomobil hissələri daşınıb.