Xocahəsən yolu işıqlandırılmır: vətəndaşlar təhlükə ilə üz-üzə - VİDEO

Xocahəsən yolunun hər iki tərəfində iaşə obyektləri və evlər yerləşir. Buna görə də sakinlər tez-tez bu yolu keçməyə məcbur olur. Amma yolun işıqlandırılmaması onları böyük təhlükə ilə üz üzə qoyur. Bir neçə gün əvvəl də bu yolda yük maşını piyada keçidindən yolu keçməyə çalışan 2 nəfəri vurub. Onlardan biri yerindəcə dünyasını dəyişib. Digəri isə  ağır vəziyyətdə xəstəxanaya yerləşidirilib. Sakinlərin sözlərinə görə, 2 il əvvəl yol boyu işıq dirəklərinin yerləşdirilməsi üçün beton qoyulub, elektrik xətləri çəkilsə də işlər yekunlaşdırılmayıb.

Məsələ ilə bağlı əlaqə saxladığımız "Azərişiq" Açıq Səhimdar Cəmiyyəti bu problemın onlara aidiyyəti olmadığını, cavabdeh qurumun Abşeron rayon İçra Hakimiyyəti olduğunu bildirdi. Abşeron rayon İcra Hakimiyyəti isə məsuliyyəti "Azəravtoyol"un üzərinə atdı. Sonuncu da öz növbəsində onların ancaq yolların təmirinə görə cavabdehlik daşıdıqları bildirdi. Beləcə, qurumlar məsuliyyəti bir-birlərinin üzərinə atmaqla kifayətləndilər.