Yardımlıda müəllim şagirdi döyüb? – RƏSMİ AÇIQLAMA

Yardımlı rayonunun Hamarkənd kənd orta məktəbində şagirdin müəllim tərəfindən döyülməsi iddia olunub. Avtosfer.az Oxu.az-a istinadən xəbər verir ki, bu barədə sosial şəbəkədə paylaşım edilib.

Şagirdin valideyni Elnur Məlikov iddia edib ki, 5-ci sinifdə oxuyan oğlu müəllim tərəfindən döyülüb və bu səbəbdən psixoloji travma alıb.

Məsələ ilə bağlı Lənkəran-Astara Regional Təhsil İdarəsindən bildirilib ki, Yardımlı rayonu İlqar Şəkərov adına Hamarkənd kənd tam orta ümumtəhsil məktəbində baş verdiyi iddia olunan hadisə ilə bağlı hazırda hüquq-mühafizə orqanları və Lənkəran-Astara Regional Təhsil İdarəsi tərəfindən araşdırma aparılır:

"Araşdırmanın nəticəsindən asılı olaraq hadisəyə hüquqi qiymət veriləcək".