Yol polisi cəriməni sistemə vurmur, avtomobilə həbs qoyur - VİDEO

Sürücü Elnur Abdullayev qaydanı pozduğu üçün ünvanına gələn protokolda nəzərdə tutulan cəriməni ödəyə bilmir. Çünki ünvana gəlməsindən 3 ay keçsə də cərimə ödəniş sisteminə yüklənməyib. Nəticədə sürücünün avtomobilinə həbs qoyulub. Qanunla bu hal yolverilməzdir.

Avtomobil başqası tərəfindən idarə edilərsə və ya sürücü ittihamla razılaşmadığı halda 10 gün müddətinə vəsatət qaldıra bilər. Vəsatət etibarlı sayılsa protokol ləğv edilməli və yaxud başqa şəxsə yönləndirilməlidir. Yəni, sürücü ittihamı qəbul etdiyi halda yol polisinə getməyə ehtiyac olmamalıdır. Hətta elektron avadanlıqlar vasitəsi ilə qeydə alınan qayda pozuntuları vaxtında sistemə salınmamasına görə yol polisi cərimələnə bilər. Bunun üçün sürücü prokurorluğa müraciət etməlidir.