“Ağ şəhər”in arxasındakı məhəllədə sürücülər səkiləri zəbt edir - FOTO

Bütün xəbərdarlıqlara və tətbiq olunan cərimələrə baxmayaraq, bəzi sürücülər avtomobillərini hələ də səkilərdə park etməyə davam edirlər.
Avtosfer.az xəbər verir ki, səkilər piyadalar üçün nəzərdə tutulsa da, bu qaydanın kobud şəkildə pozulması halları hələ də müşahidə olunur.
Analoji vəziyyət Xətai rayonunda qeydə alınıb. Avtomobillərin səkiyə park olunması nəticəsində vətəndaşların məhəlləyə girişində ciddi çətinliklər yaranıb. Belə ki, Süleyman Vəzirov küçəsində 77-TH-450 dövlət nömrə nişanlı "Toyota", 40-BV-219 nömrə nişanlı “Opel Astra” və 99-TY-087 nömrəli “BMW” markalı avtomobillərin sürücüləri nəqliyyat vasitələrini səkidə saxlamaqla həm piyadaların hərəkətinə maneə yaradıblar, həm də məhəlləyə giriş-çıxışı məhdudlaşdırıblar.

Bu məsuliyyətsiz davranış piyadaların təhlükəsiz və rahat hərəkətini məhdudlaşdırmaqla yanaşı, ictimai narahatlığa da səbəb olur.
Qeyd edək ki, bu kimi hallara yol verən sürücülərlə bağlı İnzibati Xətalar Məcəlləsinin 346.9-cu maddəsinə əsasən 60 manat və əlavə olaraq 2 cərimə balı tətbiq edilir.
Fidan