Ara küçədən yola çıxan diqqətsiz sürücü qəza təhlükəsi yaratdı - VİDEO

Paytaxtın hava limanı yolunda qayda pozan sürücü avtomobilin kamerasına düşüb. 

Avtosfer.az-ın məlumatına görə, hadisə aprelin 8-də saat 08:38 radələrində qeydə alınıb.

Videodan görünür ki, ara küçədən çıxan 99-QV-893 dövlət nömrə nişanlı “Changan” markalı avtomobilin sürücüsü ana yoldakı nəqliyyat vasitəsinə diqqət etmədən hərəkətinə davam edib. Nəticədə, o, görüntünü qeydə alan avtomobilə qəza şəraiti yaradıb. Şikayətçi sürücüyə dəfələrlə siqnal verdiyini, lakin qayda pozan şəxsin buna məhəl qoymadığını bildirib.

Qeyd edək ki, ara küçədən ana yola çıxan sürücü hərəkətə başlamazdan əvvəl yolun vəziyyətini diqqətlə müşahidə etməli, hərəkət üstünlüyü olan avtomobillərə yol verməlidir.

Nərmin