Ara məsafəsini gözləməyən sürücüyə cinayət işi açıldı

İsveçrədə ciddi qayda pozuntuları zamanı cərimənin məbləği illik gəlirlərə əsasən hesablanır. Ciddi qayda pozuntularında qərarı polis deyil, məhkəmə verir. 

Avtosfer.az xəbər verir ki, bir cenevrəlinin yol hərəkəti qaydalarını pozması ilə bağlı məhkəmə prosesi artıq başa çatıb.
Istintaq materiallarından məlum olur ki, sürücü Sürix istiqamətində hərəkətdə olarkən ara məsafəsi saxlamayıb. O, magistralda sol cərgədə 110-120 km/saat sürətlə hərəkət etdiyi halda qarşıdakı avtomobillə ara məsafəsi cəmi 8 metr olub. Buna görə də ona qarşı “təhlükədə qoyma” maddəsi ilə cinayət işi açılıb.

Məhkəmə ona 50 günlük gəliri məbləğındə - 98 500 frank (təxminən 200 000 AZN) cərimə tətbiq edib. Vergi orqanlarının təqdim etdiyi sənədə əsasən, sürücünün illik 1,6 milyon frank gəliri var. 

Cəriməni ödəməmək üçün o, 2 il ərzində heç bir xətaya yol verməməlidir.

Vüqar