Avtobus şosedə palçığı maşının üstünə sıçratdı – Təlimçi ŞİKAYƏT ETDİ - VİDEO

Avtobus sürücülərinin bəzi hərəkətləri digər nəqliyyat vasitəsi idarəçilərinin narazılığına səbəb olur. Daha bir analoji hal Sabunçu rayonunda baş verib.

Zabrat şosesinin rayon ərazisindən keçən hissəsində yaşanan vəziyyətin görüntüsünü təlimçi Arzu Babazadə Avtosfer.az-a göndərib. O bildirib ki, 90-JL-373 nömrəli “Daewoo” markalı avtobus, yolda hərəkət zamanı digər minik avtomobilinin yanından keçərkən suyu nəqliyyat vasitəsinin üzərinə sıçradıb. Hadisə nəticəsində minik avtomobilinin ön hissəsi çirkəklənib və sürücünün görmə imkanları məhdudlaşıb. “Ayşən LTD” MMC-yə məxsus 107 nömrəli marşrut avtobusunun hərəkəti avtomobil idarəçisinin, eləcə də təlimçinin narazılığına səbəb olub.

Qeyd edək ki, belə hərəkətlər Azərbaycan Respublikasının İnzibati Xətalar Məcəlləsinin 342.1.5-ci maddəsinə əsasən, 40 manat cəriməyə səbəb olur. Əgər sıçrayan maye avtomobilə zərər vurarsa, əlavə olaraq maddi məsuliyyət də yarana bilər.

Səfər