Avtobus sürücüsü dayanacağı arxada qoyub yolun ortasında saxladı - VİDEO

Paytaxtın Nəsimi rayonu, Əbdülvahab Salamzadə küçəsində qayda pozan avtobus sürücüsü kameraya düşüb.

Avtosfer.az xəbər verir ki, görüntülər hadisəni qeydə alan izləyici tərəfindən saytın “WhatsApp” qaynar xəttinə göndərilib.

Kadrlardan aydın görünür ki, 67 nömrəli müntəzəm marşrut xətti üzrə hərəkət edən 77-JR-032 dövlət nömrə nişanlı “Zhongtong” markalı avtobusun sürücüsü nəqliyyat vasitəsini dayanacaqdan kənarda, yolun ortasında saxlayıb.

Şikayətçinin sözlərinə görə, sürücü sərnişin mindirib-düşürmək üçün dayanıb. Nəticədə həmin zolaq üzrə hərəkət edən digər nəqliyyat vasitələrinin qarşısında maneə yaranıb.

Videodan avtobusun zolaqda tam şəkildə yerləşmədiyi və sol zolaqda hərəkət edən avtomobillər üçün də maneə yaratdığı görünür. 

Qeyd edək ki, avtobusun saxlandığı yerdən bir qədər geridə dayanacaq mövcuddur.

Nərmin